السلام عليكم ورحمة الله وبركاته (ردوا السلام) ..
أنا أبو وحدة من أعضاء هذا المنتدى (وهي ما تعرف) ..
والله مفجووووع من ألي قريته .. شي ما يرضي ربنا .. ولا يرضي أب ولا أم ..
حرام عليكم يا بناتي : فين تعليمكم .. فين تربيتكم ..
فين دينكم .. فين أخلاقكم .. فين خوفكم من ربنا ..
فين عقولكم .. قاعدين توزعوا حسناتكم بلاش .. وتأخذوا بدالها سيئات .. وبالكليو ..
لا حول ولا قوة إلا بالله .. والله زعلتوا إلى يحبكم وفرحتوا الشيطان فيكم ..
وهو إلي قاعد يكتب الكلام البذي هذا ما يخاف من ربنا ..
(ألم يعلم بأن الله يرى) ..
(ما يلفظ من قول إلا لديه رقيب عتيد) ..
(كل نفس بما كسبت رهينة) ..
(وقفوهم إنهم مسؤلون) ..
ولا تقولولي صغار : مادام بتعرفوا تكتبوا ما انتم صغار ..
وبعدين تعالوا هنا : انتو كيف تكرهوا بعض بهاذا الشكل الكبير .. ومتى ؟؟ في رمضان ..
وعلى شي لا يقدم ولا يأخر .. يعني حبيتوها ولا كرهتوها إيش حايصير .. قولو لي ..
حتى اسماء الأعضاء أكثرها يدل على الكره الشديد .. حتى اسم المنتدى .. عنوان الكراهية ..
وعلى أيه يا ناس .. والله حرام عليكم تدفعوا فلوس في نشر الكره بين المسلمين ..
ومين قال لكم إن الي قاعدين تتضاربوا عليهم جايبين خبركم .. والله مو دارين عنكم .. ولا عن كرهكم لبعض بسببهم ..
بعدين فينكم عن كلام حبيبكم محمد صلى الله عليه وسلم :
" لا يؤمن أحدكم حتى يحب لأخيه ما يحبه لنفسه " ..
أنا لي رجاء كبيييير إنو أخلاقكم تتحسن .. وسلوكياتكم تتصلح .. وكتاباتكم تتهذب ..
لي رجاء كبيييير إنو يكون شعارنا في الكتابة : (وإذا خاطبهم الجاهلون قالو سلاماً)
نقول زي الشاعر : إذا نطق السفيه فلا تجبه *** فخير من إجابته السكوت
معليش سامحوني : لو في أحد رماك (بقاذورات الحمام) أكرمكم الله ، تهين نفسك وتسوي زيه .. ولا تترفع عن القاذروات ..
طيب الكلام البذي أسوأ من القاذورات ..
خذوا القصة الجميلة والمفيدة جداً ..
كان فيه اثنين غالباً ما يتقابلوا عند محل الجرايد في الصباح قبل ما يرحوا العمل ..
الأول يسلم ويصبح ويقول كلام حلو .. والثاني ما يرد أبد .. (مطنش) ..
بعد مدة صاحب المحل (طق) وقال للأول : إلين متى وانتى تسلم وتصبح عليه وتقوله كلام حلو .. وهو مطنش وما يرد ..
قاله الأول : وأنت أيش رأيك مين أحسن أخلاقي ولا أخلاقه ..
قاله راعي المحل : لا والله أخلاقك أحسن .. وما في مقارنة ..
فاله الأول : طيب وأنت تبغاني أصير زي أخلاقه .. ولا تبغاه هو يصير زي أخلاقي ..
قاله راعي المحل : لا أبغاه هو يصير زي أخلاقك .. وما أبغاك أنت تصير زي أخلاقه ..
قاله الأول : تمام .. تبغاني استمر في السلام والكلام الحلو .. ولا أسكت وأصير زيه ..
قاله راعي المحل : ما شاء الله على عقلك .. استمر .. استمر .. ولا تصير زيه .. ولو ما رد عليك طول عمره !!
إذن هيا يا بناتي نفرض أخلاقنا الحلوة .. وما نقول إلا كلام حلو ..
هيا يا عسولين .. ما نخلي فمنا ولا يدنا ينقطوا إلا عسل ..
وتوبة يا رب .. توبة ..
» اهدا الى جودي
» ليه..؟! .......
» ممكنَ تدخخَلوآ $**
» فقط للنقاش
» حصري لرهوفتنآ
» مآيـآ الصعيدي )"
» طرد آلآولآد -،-
» حصريآت لـ حبيبتنآ زيونه عوآد